Friday 23 November 2012

محاولة شعرية ثالثة: زكريني يما


زكريني يما ...
كيف البعاد منك حصل؟!
كيف بعد رحمة حشاك
مرقت لي دنيا الفساد
دنيا الدسايس والفشل

ما قبيل نفسك حداي
والليلة في درب الوساوس
والهواجس
كيف اشيل الهم براي 
يما الدرب ليك ما بيصل

يما شان يملو الكروش
جدعونا في بلد العجم
حرمونا من دين البروش
وجونا بي ديناً وهم 
يا يما دين سف القروش
دين الظلم... دين الجهل 

شان الدرب يجمعني بيك 
حبك برضعه لي جناي
شان يبقى لي جيلاً جديد 
يسوقني لي سكة نجاي
 يمرقني من بلد الصقيع
ياخدني لي ضل العروش
جيلاً جديد ... 
شايل الحلم ... شايل الامل 

4 comments:

  1. شايل الحلم....شايل الامل

    نص جميل يا مروة


    Dia

    ReplyDelete
  2. kalam jmeeeel w 3meeeeeeeeeeg ya moro , like like like

    ReplyDelete
  3. شان الدرب يجمعني بيك
    حبك برضعه لي جناي
    شان يبقى لي جيلاً جديد
    ــــــــــــــــــــ
    دفق انساني شفيف جدا

    ReplyDelete